Думаць Беларусь#1744

​​ 👣 Андрэй Ягораў распавядае , як ён у мэтах антрапалагічнага даследавання схадзіў паўдзельнічаць па запрашэнні ў ток-шоу на АНТ:

"Схадзіў я на ток-шоу АТН "Наша жизнь". Тэма тычылася Усходняга парнёрства.

Некаторыя назіранні:

• Праграма мае ад пачатку зрэжысаваную структуру, каб правесці "правільную лінію".

• Гэта дасягаецца запрашэннем экпертаў з пэўнымі ролямі і ўжо вядомымі ці ўзгодненымі меркаваннямі.

• Баланс экпертаў будуецца так, каб адно меркаванне ("правільная лінія") дамінавала, а астатнія былі маргінальнымі.

• Мадэрацыя выбудавана не для рэальнага высвятлення тэмы праграмы, а для падкрэслівання "правільнай лініі", распальвання ці прыцішвання эмоцый, перадачы слова.

• Мадэратар сам можа не праводзіць ніякай лініі — падбор і баланс экспертаў усё вырашае.

• Людзі з альтэртаўным меркаваннем адразу запіхваюцца ў пэўную ролю: "апазіцыянер", "за Еўропу" і г.д.

• Удзельнікі крычаць (хаця і не ўвесь час) і выстрэльваюць па некалькі розных тэзаў за рэпліку. Напрыклад: "Усходняе партнёрства карыснае, але слабае. Мы роўныя з еўрапейскімі краінамі. Не трэба нас нахіляць і навязваць. Дайце канткрэтных праектаў".

• Паколькі мадэрацыя фармальная, то ніхто не разбіраецца з кожнай тэзай.

• Адпаведна, рэагаваць на канкрэтную тэзу можна толькі перабіваючы апанента, таму пачынаецца крык.

• Дасведчаныя ўдзелькі, пачынаючы сваю рэпліку, гавораць нармальна, а потым паступова нарошчваюць гук, каб было меньш магчымацяў перабіць. Выглядае смешна.

• Калі табе даюць слова, то сказаць можна што заўгодна (але не факт, што іншыя дадуць дагаварыць). Што застанецца ў канчатковай версіі — не вядома, бо "Джоні робіць усім мантаж".

Што можна рабіць:

• Не гуляць сцэнарную ролю, а спрабаваць весці сваю гульню.

• Выстрэльваць нечаканымі тэзамі ці пытаннямі.

• Рэагаваць па сітуацыі. Рыхтаваць нейкія тэзы асаблівага сэнсу няма, бо ўставіць іх, хутчэй за ўсё, не атрымаецца.

Вывад:

Хадзіць туды можна, але безсэнсоўна.

Фрагмент:

Малады перспектыўны палітык: Мы патрабуем роўных адносінаў да нас як да еўрапейскай краіны, не трэба нам навязваць свае каштоўнасці і вучыць нас!

Я (перабіваючы): А-а-а! Так вы дарослыя? А чаму ж вы працягваеце браць грошы на кішэнныя расходы?!

Малады перспектыўны палітык (трохі разгублена): Якія грошы?

Я: Крэдыты ЕБРР і ЕІБ, напрыклад...

Усе правільныя эксперты: крыкі, што яны нам непраста даюць, а ім самім выгадна.

Агульны крык".

Все посты канала