Думаць Беларусь#3502

Переслано из: Distant: Лятучы ўніверсітэт

"Наш сцяг падаецца мне адным з самых прыгожых у свеце.

Я разумею, што не магу быць незаангажаваным, але гэтае спалучэнне колераў аб’ектыўна пасуе для акцэнтацыі аб’екта з пункту гледжання каларыстыкі, оптыкі, псіхалогіі і фізіялогіі зроку.

Узнікае такі аптычны эфект, быццам сцяг сам выпраменьвае святло.

Ён урачысты, пазітыўны, вітальны.

Чырвоны і белы — колеры Хрыстовы, таму гэта боль і пакута, перамога над смерцю і Любоў.

Аднак не толькі і не столькі эстэтычнымі катэгорыямі вымяраецца вартасць сцяга, перадусім яна вымяраецца нашымі перамогамі і годнымі ўчынкамі. Вымяраецца нашымі краявідамі, паданнямі і міфамі, нашым мінулым і той будучыняй, якую мы ствараем цяпер".

Міхал Анемпадыстаў (1964-2018), выбітны беларускі дызайнер, графік, фатограф, паэт, перакладчык і публіцыст, аўтар словаў песні "Простыя словы".

https://budzma.by/news/prostyya-rechy-mikhala-anyempadystava-scyah.html

Все посты канала