⚠️ Пазіцыя Лятучага ўніверсітэта што да сітуацыі з Беларускім ПЭН-цэнтрам
Лятучы ўніверсітэт быў і застаецца партнёрам Беларускага ПЭН-цэнтра. На ўзроўні каштоўнасцей і місіі ў культурнай і інтэлектуальнай прасторы, на ўзроўні дзеянняў і простых чалавечых і сяброўскіх стасункаў.
Праца ПЭНа ў Беларусі вельмі важная, бо стварае ўмовы для развіцця не толькі беларускай літаратуры, але і мыслення, пашырае прастору вольнага слова і думкі, пашырае нашую прастору жыцця.
Мы вельмі спадзяемся, што тая сёняшняя сітуацыя не толькі не аслабіць Беларускі ПЭН-цэнтр, але дазволіць выйсці яму больш моцным, дарослым і здольным вырашаць самыя складаныя сучасныя пытанні. А тыя пытанні тычацца ўзаемадзеяння розных ідэнтычнасцей, каштоўнасцей і культур.
Пакуль у сваёй краіне мы не маем практыкі палітычных дыялогаў, дзе сутыкаюцца і прыходзяць да агульных рашэнняў розныя сістэмы каштоўнасцей і ідэялогіі (звычайна такой практыкай з’яўляецца парламент). Не маем звычкі да такіх дыялогаў, бачым у іх невырашальны канфлікт.
Наўрад ці калі-небудзь такія сутыкненні і спрэчкі стануць простымі. Але калі свет такі разнастайны, то і нам трэба навучыцца быць і працаваць у гэтай разнастайнасці. Але ж неабходная практыка напрацоўваецца, хоць і з болем, на жаль.
У гэтай сітуацыі слушнай з’яўляецца прапанова Улада Вялічкі:
Гэтая прапанова вартая разгляду, бо яна ўтрымлівае схему арганізацыі медыяцыі, што працуе ў складаных умовах спрэчкі, але і жадання дамовіцца і крочыць далей.
І мы гатовыя дапамагаць чым магчыма ў пошуках канструктыўнага выйсця.